提前備好佐料，生薑切片拍扁，蒜瓣切粒，蔥白同蔥綠切小段分開處理，迷你甜椒切絲備用。
生蠔小心用水沖走表面嘅黏液，然後置放碗內以 1 湯匙生粉輕力搓蠔身，再用水沖淨。重覆此步驟 2-3 次，至生蠔乾淨。
洗完嘅生蠔🦪隻隻都咁肥肥白白⋯⋯
燒一鍋水，待水大滾後放入洗淨嘅蠔，以大火灼15秒見邊邊開始捲起即撈起，瀝乾水份待用。 ✨蠔唔可以灼太耐，否則會縮水及煮熟。
用廚房紙輕力印乾生蠔上嘅水份，每隻蠔均勻地拍上薄薄的生粉。
燒紅油鑊，落油用中火把蠔煎至兩面金黃，夾起備用。
洗淨油鍋後落油爆香薑片，蒜瓣同蔥白，待姜片出味後倒入生蠔，加料酒翻炒均勻。
加入剩下嘅調味料，大火爆炒均勻，熄火即可開餐～～～
姜蔥炒蠔🦪，今晚一於食『蠔』啲😄😄😄
生蠔用生粉輕輕搓洗，可以帶走表面嘅黏液。 汆燙生蠔時間不能太長，大火汆燙15秒左右即可。