羊肉先冷水落镬，落两片当归飞水。
飞完水，用冻水洗干净表面黏附嘅血。
准备药材，用清水洗干净，浸一下出味。
酱料，料头量参考图片。药材都浸住。
酱料先用碗装好捞匀备用(可以加10ml左右生抽去)，稀点，方便倒出来。
(草果浸完以后只要草果皮，里面嘅籽要去掉)，浸完，先细火炒干一下药材，等香味慢慢出来(先落草果，沙仁，因为比较大粒)
然后推埋一边，将料头爆香。
爆到金黄色，有香味啦。
捞一齐，爆香，爆出香味。
等香味出来，就落羊肉，疯狂炒，炒到有肉香味，或者表面有少少焦色，就要落酱啦。
落酱以后，马上落料酒，一齐大火铲香，铲出香味，铲均匀。(料酒可以顺便稀释酱料，更加均匀)
然后加水，如图，再把味料加入去，适量自己要补点生抽，蚝油，盐调一下味道，老抽调颜色，因为焖，暂时水多。如果觉得够味可以先暂停，等焖好，水量减少以后再睇睇要唔要补味。(重点)
调好以后倒入压力煲，压20-30分钟，睇自己中意的口感(今次羊嫩，压30分钟变成阿婆都随便食。)
为何萝卜无直接加入压力煲？ 压完萝卜都变成屎饼啦。 除非你时间短，或者一次直接食完，一般唔推荐一次全部丢入去。 我会用几多，捞几多羊肉出来，就保存更加容易。而且唔会因为有蔬菜破坏味道。 这里我嘅做法系先炒香萝卜，加水，加点盐糖，煮个20分钟左右，腍啦，再加焖好的羊肉汁同羊肉。(咁既不会破坏原汤，又可以有萝卜水增加甜味。又唔会将羊肉反复焖焖得过身)
焖多10分钟，就勾芡，出野
1.调味要自己去试，页面嘅只系基础。后面根据自己口味要补味。因为焖到后面水量都唔一定。 2.老抽调颜色，自己根据中意颜色调配。 3.当归味重，唔需要太多。 4.认真睇完再做噢。