食材準備： 1. 將雞中翼解凍，並浸在水裡加適量鹽清除佢嘅雪味，一段時間後洗淨，擦乾水分開始去骨 2. 雞中翼斬除上下兩頭相連嘅白色大骨，再從中間將佢一開二，隨後分別拆除半邊肉裡面的半條骨 3. 將去骨後嘅雞中翼從中間豎著一開二，即是四分之一嘅肉和皮為一組，一共有8組 4. 切一滴蒜末和薑片備用
雞中翼醃製： 1. 將雞中翼皮朝下，肉朝上一塊塊平鋪在碟上，並在佢嘅肉上用薑片塗抹靜置下去腥，隨後將薑片夾起 2. 將鹽焗雞粉均勻嘅塗抹在雞肉上，再抹上小小花生油，最後撒上蒜末，靜置幾分鐘 3. 另外準備只碟，在空碟子裏均勻舖洒一大層鹽焗雞粉，將雞中翼雞皮朝下平夾過去，讓佢在雞皮沾上鹽焗雞粉的同時唔影響上方嘅雞肉，靜置佢幾分鐘
煎制雞翼： 1. 在平底鍋裏薄薄均勻抹上一層花生油，然後小火等只鍋燒到有小小熱，就可以暫時離火，用對筷子將雞翼肉皮朝下夾入平底鍋 2. 將雞翼全部不重疊嘅平鋪好在鍋中之後，重新上火，小火慢慢煎，煎到底下雞皮那面已經呈金黃色，肉那面也已經開始變色定型，就可以幫佢翻個面，其他一一都係咁樣 3. 當肉那面也變金黃色，甚至有些許焦脆，就可以用隻筷子插入最厚肉的那塊，如果插得入而且無血而是流出清汁，咁就熟啦！可以按照個人喜好再煎脆小小，也可以立即夾出留返哋肉汁