洗梅菜 將梅菜先沖洗幾次，把滴細沙大致沖洗到淨，用筷子攪下佢，等佢滴沙浮出黎。 然後將梅菜放入浸過佢嘅水入邊，浸大概40分鐘以上就可以囉出來備用
剁豬肉 把梅花肉先用淨水沖一沖佢，再用廚房紙盡量充分吸乾佢面上嘅水。 之後開始剁肉餅，先將梅花肉切成一小塊一小塊，再用刀剁剁剁剁碎佢，大概連續剁5分鐘左右。之前要讓滴肥肉同瘦肉撈埋一齊，然後無單獨嘅可以摸得出來嘅塊狀，如果有就單獨剁下佢再撈翻入去~ ‼️提醒一下‼️也不要剁得太碎，留滴滴顆粒感，就是無剁成好似泥喎種，不要太爛，只要不是塊狀就得啦！因為我地咁辛苦手剁就係為左食佢嘅口感，不然同機攪都無麼分別啦～
切梅菜 把浸好嘅梅菜瀝乾水，拈幹佢，然後放到砧板上切成細粒細粒，只需要切成粒，不用剁成蓉，要保持佢嘅口感，另外梅菜菜葉那裡可以在中間切一刀分開太長嘅葉絲。切好以後放在一旁備用
調料 在豬肉裡加入一滴滴鹽（梅菜本身有鹹味，不用落太多鹽），然後半茶匙糖、兩茶匙涼清水、1.5克左右蠔油、一茶匙生抽、小小白胡椒粉、半茶匙魚露、一個半茶匙生粉，先用手順一個方向攪勻，完全撈勻塞，然後再倒入滴梅菜粒攪勻至無梅菜會單獨從肉入邊跌出黎，之後關鍵就是用小小力噠下滴肉，摔打一下佢讓佢更有口感，最後加適量花生油再撈一下就可以鋪平佢在盤上～（如果還沒打算上火蒸，等到蒸嘅時候最好再在表面抹一滴滴油，再撒小小水等它濕潤出汁）
大火煮開水，放入肉餅，隔水蒸大概10分鐘左右，可以燜住佢保溫，等最後是之前在大火加熱翻佢，主要是不要讓佢哋油脂凝固。（趁熱吃先有汁水撈飯，幹左就唔咁好食啦）
撈飯真是好食到爆炸！